Quinta Sacra

Quinta Sacra ofrece ao visitante a posibilidade de deseñar unha carta persoal de rutas fluviais para que poida elixir, segundo as súas preferencias, que facer e como investir o seu tempo de lecer nun percorrido de enorme valor paisaxístico. Non deixes de apuntarte a algunhas das experiencias á carta que propón esta empresa de turismo exclusivo, percorrer o Miño en lancha neumática, bañarte en fervenzas virxes do río e contratar un picnic con chef ou participar na cata de viños fronte ao Cabo Do Mundo.

Quinta Sacra dispón de embarcacións neumáticas dotadas das máis altas prestacións en materia de seguridade e navegabilidade- coas que se pode acceder a recunchos e paraxes insólitas da Ribeira Sacra. (Máximo, doce persoas).